The Unknown Girl

Woh anjaan ladki
jiski ek nazar
mere dil ke kore kagaz par
kheech gayi kuchh lakeerein
kuch aiesi lakeerien
jinhe chah kar bhi
bhulaya nahi ja sakta
mitaya nahi ja sakta
anjani, ajnabi si
woh anjaan ladki.

bhure balon wali
jisne mujhe dekha to ek baar
fir bhi laga yun
jaise...
ussne kuchh dekha hi na ho...
...dekh kar bhi sab kuchh
pyari si, bholi bhali
woh anjaan ladki.

jisse dekh kar mere dil ki
thahri hui hasraton ne
li ek mithi si angdai
hue mere armaan jawan
machi kuchh halchal
iss sune dil mein
masoom si muskurahat wali
woh anjaan ladki.

jisske bina chehra mera
hai shant, chupchap
thande kafan sa dafan
per dil me ufanta hai dariya
naino se bahti hai nadi
chahte hai didar karna
jiska mere naina...
...bas ek baar
mujhe tadpata
tarsata chhodkar jane wali
woh anjaan ladki.

hai wo mere liye anam
par fir bhi
usse yaad kiye bina
aati nahi hai neend
aur...
jab aati bhi hai to
aaker khadi ho jati hai mere saamne
unn mithe khwabon me
aur kahti hai
apni ussi
dhimi mithi aawaz me
'i love you too'
tab tootti hai meri neend
aur nahi pata hu usse kahin
aas-paas, door door tak
fir, ek bar fir
hoene lagti hai barish
meri pyasi aankhon se
fir bhi nahi samajhti mera haal
woh anjaan ladki.

Jan, 2007

Share