Tum ek baar fir se mere, sirf mere ban jao na
Bahut rula chuke ho mujhe ab aur rulao na
Tum ek baar fir se mere, sirf mere ban jao na.
Janti ho kitna akela rahta hu tumhare bina
Aur rahta hu kitna pareshan
Yaad karta rahta hu har waqt tumko
Aur karta rahta hu masoom batein tumhari
Kitna chahta hu tumko mai mere paas aao na
Tum ek baar fir se mere, sirf mere ban jao na.
Fir se tumhari palkon me sona chahta hu
Aur tumhari bahon me chhup ke rona chahta hu
Karma chahta hu raat bhar guftgu tumse
Aur chahta hu sath muskurana tumhare
Na khud tadpo aur mujhe bhi tadpao na
Tum ek baar fir se mere, sirf mere ban jao na.
Mahsoos kar lo fir se saanson ko meri
Chhoo lo aake fir se dhadkan ko meri
Sula lena fir mujhe chupke se godi me apni
Kam kar ke faasley darmiyan jo hamare
Mere paas aao aur fir kabhi kahin jao na
Tum ek baar fir se mere, sirf mere ban jao na.
