Still Alive

Yun mayus nazron se na dekh mere yaar
Mere sine me saans abhi baki hai

Rote ho kyo aaj is qadar mere sahil
Abhi mere bachne ki thodi si aas baki hai

Chhoda nahi humne muhabbat ka teri daaman
Kyo chhaya hai maatam ka aaj kuchh iss tarah aalam
Abhi kyo palkein gili aapne kar li
Tujhe paane ko dil me abhi aag baki hai

Akela chhod na dena kabhi tum ishq ko apne
Adhura tod na dena kabhi tum wadon ko apne
Kyo ja rahe ho door humse o mere humdum
Meri qabar me sulagti rakh abhi baki hai

Yun mayus nazron se na dekh mere yaar
Mere sine me saans abhi baki hai

Rote ho kyo aaj is qadar mere sahil
Abhi mere bachne ki thodi si aas baki hai

Sep-13th, 2009
Share